Статуа со Трамп и Епстин во стилот на сцена од филмот „Титаник“ осамна среде Вашингтон
11/03/2026 15:15
Контроверзна уметничка статуа со ликовите на Доналд Трамп и Џефри Епстин оваа недела беше поставена на Националниот мол во Вашингтон, привлекувајќи силно внимание во јавноста.
Станува збор за дело на анонимен колектив, кое јасно алудира на една од најпознатите сцени од филмот „Титаник“. Инсталацијата, насловена „King of the World“, ги прикажува фигурите на Трамп и Епстин во поза што потсетува на култниот момент со Леонардо ди Каприо и Кејт Винслет.
Со оваа поставка, авторите очигледно се обидуваат преку уметнички израз да испратат политичка и општествена порака, користејќи препознатлива филмска симболика и личности кои веќе подолго време се тема во светската јавност.
Инсталацијата предизвика бројни реакции, особено поради чувствителноста на темата и пораката што ја носи. Делото уште по поставувањето стана предмет на коментари и споделувања на социјалните мрежи.
Контроверзна уметничка статуа со ликовите на Доналд Трамп и Џефри Епстин оваа недела беше поставена на Националниот мол во Вашингтон, привлекувајќи силно внимание во јавноста.
