Мицкоски: Во последната година се отворени над 15.000 нови работни места
05/05/2026 12:16
Премиерот Христијан Мицкоски денеска изјави дека во последната година во државата се отворени повеќе од 15.000 нови работни места.
Одговарајќи на новинарско прашање за државната поддршка за компаниите и нејзиниот ефект врз економијата, Мицкоски рече дека бројките покажуваат позитивни поместувања на пазарот на труд.
Според него, во моментов има околу 710.000 вработени, додека бројот на невработени е под 90.000. Притоа посочи дека во оваа бројка се вклучени и околу 30.000 земјоделци.
Како што наведе, ако тие се изземат од вкупниот број, реалната бројка на невработени би се движела меѓу 35.000 и 40.000 лица. Според премиерот, тоа значи дека невработеноста е под пет проценти од работоспособното население.
Мицкоски оцени дека станува збор за историски најниско ниво. Тој додаде дека владините мерки за поддршка на компаниите носат поголема инвестициска активност.
Осврнувајќи се на економските показатели, премиерот рече дека номиналниот БДП за 2026 година ќе биде околу 22 милијарди долари.
Тој посочи и дека, ако се спореди периодот на оваа влада со претходната, растот на номиналниот БДП е трипати поголем. Притоа нагласи дека тоа се случува во услови кога економскиот раст во еврозоната е под еден процент.
Премиерот Христијан Мицкоски денеска изјави дека во последната година во државата се отворени повеќе од 15.000 нови работни места.
