Поради „Прв до врв“ денеска посебен сообраќаен режим во Скопје
17/05/2026 8:21
Поради одржувањето на традиционалната спортско-рекреативна манифестација „Прв до врв“, денеска во Скопје ќе има времени измени во сообраќајот и пренасочување на возилата на повеќе улици и булевари.
Настанот годинава се одржува по 14-ти пат и ќе опфати велосипедска трка и планинарска тура кон Водно и Милениумскиот крст.
Велосипедската трка ќе стартува во утринските часови од централното градско подрачје. Учесниците ќе се движат по неколку главни сообраќајници кон Средно Водно.
Паралелно ќе се реализира и пешачка тура. Таа ќе се одвива по планинските патеки кон врвот на Водно.
Од СВР Скопје информираат дека за време на настанот ќе биде воведен посебен режим на сообраќај. Целта е безбедно одвивање на сите активности.
Полициски службеници ќе бидат распоредени долж трасата и ќе го регулираат движењето.
Надлежните апелираат граѓаните да ги почитуваат насоките од полицијата и сообраќајните правила. Воедно, се препорачува навремено планирање на движењето низ градот.
Поради одржувањето на традиционалната спортско-рекреативна манифестација „Прв до врв“, денеска во Скопје ќе има времени измени во сообраќајот и пренасочување на возилата на повеќе улици и булевари.
