Голем пожар во поранешната „Декортекст“ во Радовиш, неколку пожарникари повредени при интервенцијата
25/05/2026 7:32
Голем пожар избувна во објект на поранешната фабрика „Декортекст“ во Радовиш, предизвикувајќи вознемиреност кај жителите во околината.
Според првичните информации, огнот зафатил магацински простор во кој имало запаливи материјали, како и дел од поранешен производствен погон со машини.
Од Територијалната противпожарна единица информирале дека интервенцијата почнала веднаш по пријавата, а за кратко време биле мобилизирани сите расположливи екипи.
„За неполни три минути од добиената пријава нашите екипи беа на терен. Поради сериозноста на пожарот, побарана беше помош и од екипи од Струмица и од доброволното противпожарно друштво од Мантово“, информирале од противпожарната служба, пренесе News24.
На терен интервенирале и пожарникари од Струмица, како и доброволци, со цел огнот да биде ставен под контрола и да се спречи негово понатамошно ширење.
Според последните информации, пожарот е локализиран. Сепак, неколку пожарникари вдишале поголема количина чад и се здобиле со полесни повреди и изгореници за време на интервенцијата.
Засега не се познати причините за избувнувањето на пожарот. Надлежните најавија дополнителна истрага за да се утврдат околностите под кои дошло до несреќата.
Голем пожар избувна во објект на поранешната фабрика „Декортекст“ во Радовиш, предизвикувајќи вознемиреност кај жителите во околината.
