Од МОН велат: Студентите од Факултетот за безбедност во Битола не добиле оброк затоа што факултетот не доставил список
09/06/2026 14:47
Студентите од Факултетот за безбедност при УКЛО во Битола овој месец не добиле средства за субвенциониран студентски оброк. Според реакциите, најголем дел од погодените се токму од овој факултет.
Од Министерството за образование и наука велат дека причината е во тоа што факултетот не ги доставил податоците за студентите во предвидениот рок. Во одговор за „Слободен печат“, од МОН посочиле дека исплаќаат средства за сите студенти за кои факултетите ќе достават податоци најдоцна до 20-ти во месецот.
„Факултетот за безбедност при УКЛО нема доставено податоци за студентите и оттука, тие не се опфатени со тековната исплата“, навеле од Министерството.
Од друга страна, студентската платформа „Студентарија“ објави дека факултетот подоцна доставил ажурирани листи, но дека министерството не прифаќа промени за тековниот месец. Поради тоа, студентите останале без пари што законски им следуваат, иако не се виновни за административниот пропуст.
Според пресметките што ги објавија студентите, секој од погодените месецов останал без 3.640 денари, односно 26 дена по 140 денари. Тие предупредуваат дека ова не е изолиран случај и дека слични проблеми се повторуваат речиси секој месец.
Претседателот на Универзитетското студентско собрание на УКЛО, Антонио Петковски, за „Слободен печат“ изјавил дека треба да се најде нов механизам за утврдување на редовноста, бидејќи грешките ги прават институциите, а последиците ги трпат студентите.
Со тоа, случајот повторно го отвори прашањето за тоа како се администрира студентскиот оброк и зошто студентите од Факултетот за безбедност во Битола не добиле оброк поради пропуст што не е нивна вина.
Студентите од Факултетот за безбедност при УКЛО во Битола овој месец не добиле средства за субвенциониран студентски оброк. Според реакциите, најголем дел од погодените се токму од овој факултет.
