ЃОКОВИЧ ПРЕКУ АЛКАРАЗ ДО ЗЛАТЕН ОЛИМПИСКИ МЕДАЛ И ТЕНИСКА ИСТОРИЈА
05/08/2024 9:25
Српскиот тенисер Новак Ѓоковиќ се закити со олимпиското злато на тенискиот турнир на Игрите во Париз. Во крајно неизвесен меч кој буквално се играше поен за поен, Ѓоковиќ успеа да испише историја.
Најдобриот во историјата во својот најважен меч во кариерата, во финалето на ЛОИ во Париз, успеа со 2:0 по сетови 7:6, 7:6 да го победи Шпанецот Карлос Алкараз и со тоа да дојде до историски успех.
Новак го освои тоа што му недостигаше во кариерат, а тоа е златото на едни ЛОИ. Инаку се одигра епски меч, ова беше фантастично финале, тенис за уживање. Новак одигра тактички мудро, знаеше што треба, знаеше како треба, а пресудно за победата може да се каже дека беше неговото искуство.
Воедно тој е и најстариот тенисер кој успеал да се закити со златниот медал на едни Олимписки игри.
