СИНЕР ГО ПОБЕДИ ЃОКОВИЌ, ВО ФИНАЛЕТО ЌЕ СЕ СРЕТНЕ СО АЛКАРАЗ
12/07/2025 9:28
Новак Ѓоковиќ очигледно се соочуваше со физички проблеми во полуфиналниот меч против Јаник Синер, откако повредата од претходното коло против Коболи остави трага врз неговата подвижност и игра. Српскиот тенисер не изгледаше во најдобра форма, што се одрази и на конечниот резултат.
Синер го освои првиот сет со 6-3, обезбедувајќи два брејка. Во вториот сет повторно беше подобар со истиот резултат, но со еден брејк. Ѓоковиќ имаше добар почеток во третиот сет и поведе со 3-0, но потоа Синер направи пресврт, освојувајќи пет гема по ред и поведувајќи со 5-3. На крајот, сетот заврши 6-4 во корист на Италијанецот, кој со тоа ја обезбеди победата од 3-0 во сетови.
Синер во финалето ќе се соочи со Карлос Алкараз, кој претходно го елиминираше Тејлор Фриц со 3-1 во сетови.
Новак Ѓоковиќ очигледно се соочуваше со физички проблеми во полуфиналниот меч против Јаник Синер, откако повредата од претходното коло против Коболи остави трага врз неговата подвижност и игра. Српскиот тенисер не изгледаше во најдобра форма, што се одрази и на конечниот резултат.
