Специјалниот пратеник на Трамп, Стив Виткоф, во Москва пред рокот за прекин на огнот во Украина
06/08/2025 8:03
Специјалниот пратеник на американскиот претседател Доналд Трамп, Стив Виткоф, денеска пристигна во Москва на покана на Кремљ, во последен обид да се избегнат нови казнени санкции што Вашингтон се закани дека ќе ги воведе неделава.
Виткоф беше пречекан на аеродромот Внуково од рускиот инвестициски претставник Кирил Дмитриев, објави Ројтерс. За време на посетата, тој ќе се сретне со повеќе руски претставници, а можно е и директна средба со претседателот Владимир Путин.
Посетата доаѓа само неколку дена пред да истече рокот што Трамп му го даде на Путин – до 8 август – да постигне договор за прекин на огнот со Украина или Русија ќе се соочи со построги санкции.
Во последните недели, Трамп испрати остри пораки кон Кремљ, изразувајќи сомнеж во подготвеноста на Путин да го запре конфликтот. Странските медиуми анализираат дека Трамп е претпазлив да не биде доведен во заблуда од лидер на кого сега отворено не му верува.
Еден ден пред посетата на Виткоф, американскиот претседател разговараше по телефон со украинскиот лидер Володимир Зеленски за можни дополнителни санкции кон Москва.
Специјалниот пратеник на американскиот претседател Доналд Трамп, Стив Виткоф, денеска пристигна во Москва на покана на Кремљ, во последен обид да се избегнат нови казнени санкции што Вашингтон се закани дека ќе ги воведе неделава.
