Државата ќе гони без пријава: 512 случаи на семејно насилство за шест месеци
25/09/2025 11:16
Со најновите предлог-измени на Кривичниот законик, семејното насилство ќе се гони по службена должност, без потреба жртвата да поднесе пријава.
Оваа мерка е наменета да го прекине молкот што често го следи насилството, особено кога жртвите се заплашени, зависни или под притисок.
Според податоци на МВР, во првата половина од годината се регистрирани 512 кривични дела поврзани со семејно насилство, од кои најголемиот дел — 474 — биле сторени од мажи, најчесто со телесни повреди.
Министерството за правда образложува дека со измените се редефинира кривичното дело „телесна повреда“ кога е дел од семејно или родово-базирано насилство, така што во тие случаи гонењето ќе се спроведува по службена должност, во согласност со Истанбулската конвенција.
Невладини организации ја поздравија идејата, оценувајќи ја како клучен чекор напред во заштитата на жртвите и во воспоставувањето институционален одговор.
Со оваа законска реформа, државата презема активна улога во гонењето на сторителите, со цел да се намали зависноста на жртвата од храброст да ја поднесе пријавата.
![policija-mvr[1]](https://mkinformer.com/wp-content/uploads/2021/05/policija-mvr1.png "Во Дебар се предлага организирање на вoopyжени гpaѓански стpaжи")