Путин и емисарите на Трамп разговарале речиси 4 часа: Територијата клучна за мир во Украина
23/01/2026 14:02
Рускиот претседател Владимир Путин одржал повеќечасовни разговори со претставници на американскиот претседател Доналд Трамп, фокусирани на можностите за прекин на војната во Украина. Средбата, која траела речиси четири часа, се одвивала до доцна во ноќта во Кремљ.
Во разговорите учествувале специјалниот пратеник на Трамп Стив Виткоф и зетот на американскиот претседател Џаред Кушнер. По завршувањето на средбата, Кремљ соопшти дека територијалното прашање е клучно за постигнување долгорочен мировен договор.
Советникот за надворешна политика на Кремљ, Јуриј Ушаков, кој бил присутен на разговорите, изјави дека „не може да се очекува траен мировен договор без решавање на територијалното прашање“. Ова директно се однесува на барањето на Москва Киев да ги повлече своите сили од делови на источна Украина кои Русија ги анектираше, но сè уште нема целосна контрола врз нив.
Ушаков најави дека денес во Абу Даби ќе се одржат трипартитни разговори меѓу руски, украински и американски претставници, со фокус на безбедносните аспекти на евентуалниот мировен договор. Руската делегација ќе ја предводи шефот на воената разузнавачка служба, адмирал Игор Костјуков.
Паралелно, претставникот на Путин, Кирил Димитриев, ќе води одделни разговори со Виткоф за економски прашања, поврзани со постконфликтната стабилизација.
Средбата во Абу Даби беше најавена претходно од украинскиот претседател Володимир Зеленски, кој се сретна со Трамп на маргините на Светскиот економски форум во Давос. Зеленски го оцени состанокот како „продуктивен и значаен“.
Дополнително, Трамп го поканил Путин да се приклучи на новоформираниот Комитет за мир, иницијатива формирана во Давос. Москва соопшти дека ја разгледува понудата, а Путин потврди дека е подготвен да донира 1 милијарда долари, средства земени од замрзнатите руски средства во САД, за финансирање на реконструкцијата на Газа.
Трамп позитивно реагираше на оваа понуда, изјавувајќи: „Ако ги користи своите пари – тоа е одлично“.
Рускиот претседател Владимир Путин одржал повеќечасовни разговори со претставници на американскиот претседател Доналд Трамп, фокусирани на можностите за прекин на војната во Украина. Средбата, која траела речиси четири часа, се одвивала до доцна во ноќта во Кремљ.
