Ивица Дачиќ итно хоспитализиран: Српскиот министер со двојна пневмонија во тешка состојба?

25/02/2026 22:42

Министерот за внатрешни работи на Србија, Ивица Дачиќ, бил итно хоспитализиран во Универзитетскиот клинички центар на Србија, објави српскиот медиум „Нова“.

Според информациите што ги пренесува медиумот, Дачиќ бил примен во болница поради здравствени проблеми со кои се соочувал во изминатите денови.

Локалните медиуми наведуваат дека му е дијагностицирана двојна пневмонија и дека неговата здравствена состојба значително се влошила во последните неколку часа. Според истите извори, министерот наводно е поврзан на апарати.

Дачиќ веќе подолг период има здравствени предизвици, меѓу кои и дијабетес.

Засега нема официјална потврда од надлежните институции за деталите околу неговата моментална состојба.