Таравари го тужи Изет Меџити за клевета: Спорот околу лиценците за канабис оди на суд
26/02/2026 16:55
Претседателот на едната група од поделената Алијанса за Албанците, Арбен Таравари, преку својот адвокат Абидин Абдули, поднесе тужба за клевета во Основен суд Скопје 2 против градоначалникот на Чаир, Изет Меџити.
Тужбата следи по изјавите на Меџити дадени во телевизиска емисија на „Лајм“, во кои тој тврдеше дека Таравари, за време на својот мандат како министер, издал седум лиценци за фабрики за преработка на канабис.
Според соопштението од тимот на Таравари, пред поднесувањето на тужбата бил оставен законски рок за јавно извинување, кој, како што се наведува, не бил искористен од страна на Меџити.
Таравари ги демантира обвинувањата, оценувајќи ги како невистинити и клеветнички. Тој претходно најави дека ќе преземе правни чекори доколку не биде упатено јавно извинување за изнесените тврдења.
Со поднесувањето на тужбата, случајот добива институционален тек и ќе се разгледува пред надлежниот суд.
Претседателот на едната група од поделената Алијанса за Албанците, Арбен Таравари, преку својот адвокат Абидин Абдули, поднесе тужба за клевета во Основен суд Скопје 2 против градоначалникот на Чаир, Изет Меџити.
![kanabis-biznis[1]](https://mkinformer.com/wp-content/uploads/2021/05/kanabis-biznis1.jpg "Втop cocтaнoк на работната група за кaнaбиc, дeфиниpaни пoимитe дeкpиминaлизaциja, лeгaлизaциja и дeпeнaлизaциja")
