Возачот кој усмрти мотоциклист на Пластичарска бил под дејство на наркотици и свртел на дупла полна линија
31/05/2026 9:33
Јавен обвинител од Основното јавно обвинителство Скопје отвори истрага против возачот кој усмрти мотоциклист, 31-годишен скопјанец, осомничен за тешки дела против безбедноста на луѓето и имотот во сообраќајот, по тешката несреќа кај Пластичарска во која загина 19-годишен мотоциклист.
Обвинителството соопшти дека осомничениот вчера вечер управувал „ауди А4“ по булеварот „Никола Карев“, а на крстосницата со улицата „Прохор Пчињски“ не ја почитувал сообраќајната сигнализација.
Навлегол во спротивна лента и бил под дејство на дрога
Според истрагата, возачот на удвоена полна линија навлегол во двете сообраќајни ленти наменети за возилата од спротивен правец, при што свртел на лево.
Обвинителството наведува и дека тој го управувал возилото под дејство на наркотична дрога, спротивно на Законот за безбедност на сообраќајот на патиштата.
Удрил во два мотоцикла
Како последица на таквото возење, со предниот дел од автомобилот удрил во мотоцикл „БМВ“, а во задниот дел од неговото возило удрил и мотоцикл „Хонда ХДВ“. Двата мотоцикла доаѓале од спротивна насока и се движеле паралелно.
Од силината на ударот, мотоциклистот кој управувал со „БМВ“ се здобил со тешки телесни повреди. Подоцна им подлегнал на повредите.
Јавен обвинител од Основното јавно обвинителство Скопје отвори истрага против возачот кој усмрти мотоциклист, 31-годишен скопјанец, осомничен за тешки дела против безбедноста на луѓето и имотот во сообраќајот, по тешката несреќа кај Пластичарска во која загина 19-годишен мотоциклист.
