Од 15 јуни нов режим на патарините, MTAG лентите ќе бидат само за електронски тагови
08/06/2026 15:14
Јавното претпријатие за државни патишта најави нов режим на патарините, кој ќе почне да важи од 15 јуни 2026 година. Според известувањето, лентите означени за MTAG ќе бидат наменети исклучиво за корисници на електронски тагови.
Со оваа измена, плаќањето со MCard на MTAG лентите се укинува. Корисниците што користат MCard наплатата ќе треба да ја вршат на другите достапни ленти на наплатните станици, согласно нивната намена.
Од ЈПДП апелираат возачите строго да ја почитуваат вертикалната и хоризонталната сигнализација, како и информативните електронски табли поставени пред и на самите наплатни станици. На нив е направена јасна поделба на лентите според видот на плаќање: електронска наплата и готовинско плаќање.
Воедно, корисниците треба да ја следат и светлосната сигнализација за статусот на лентите. Зелената стрелка означува дека лентата е активна и отворена, додека црвениот икс значи дека лентата е затворена.
Од претпријатието предупредуваат дека непочитувањето на означувањето и намената на лентите може да предизвика застои и да влијае врз безбедноста и ефикасноста на сообраќајот. Со тоа, нов режим на патарините ќе бара поголемо внимание од возачите уште од првиот ден на примената.
Јавното претпријатие за државни патишта најави нов режим на патарините, кој ќе почне да важи од 15 јуни 2026 година. Според известувањето, лентите означени за MTAG ќе бидат наменети исклучиво за корисници на електронски тагови.
