Нов ценовен шок: Дизелот поскапува за 5,50, бензините за 1,50 денари

13/07/2026 13:22

Горивата повторно поскапуваат, а најголемо зголемување има кај дизелот, чија цена расте за 5,50 денари за литар.

Со новата одлука на Регулаторната комисија за енергетика, бензините ЕУРОСУПЕР БС-95 и ЕУРОСУПЕР БС-98 поскапуваат за 1,50 денари за литар.

Новата малопродажна цена на ЕУРОДИЗЕЛ БС (Д-Е V) изнесува 88 денари за литар.

Во однос на цената утврдена со претходната одлука од 6 јули, дизелот поскапува за 5,50 денари за литар.

ЕУРОСУПЕР БС-95 поскапува за 1,50 денари и ќе се продава по цена од 87 денари за литар.

За истиот износ поскапува и ЕУРОСУПЕР БС-98, чија нова цена изнесува 89 денари за литар.

Со претходната одлука од 6 јули, цените изнесуваа 85,50 денари за ЕУРОСУПЕР БС-95, 87,50 денари за ЕУРОСУПЕР БС-98 и 82,50 денари за дизелот.

Новите највисоки малопродажни цени се:

ЕУРОСУПЕР БС-95 – 87 денари за литар

ЕУРОСУПЕР БС-98 – 89 денари за литар

ЕУРОДИЗЕЛ БС (Д-Е V) – 88 денари за литар