15-годишниот битолчанец Михаил стана регионален херој откако спаси тричлено семејство од давење во Грција
09/09/2026 12:57
15-годишниот битолчанец Михаил стана регионален херој откако спаси тричлено семејство од давење во Грција.
Драмата се одвивала на плажа во Олимпијада, каде разбрануваното море и силните бранови одвлекле семејство од Бугарија подалеку од брегот.
Реагирал веднаш кога ги слушнал повиците за помош
Според објавата на неговата мајка, Јасна Николовска, жената од семејството почнала панично да бара помош.
Михаил не се двоумел.
Влегол во морето и најпрво ѝ помогнал на жената да стигне до брегот.
Потоа го извлекол детето, а на крај и таткото.
„Од цела плажа, скокна син ми Михаил“, напиша неговата мајка на Фејсбук.
Целата плажа му аплаудирала
По спасувањето, присутните на плажата го поздравиле Михаил со аплауз.
Неговиот подвиг брзо се проширил и на социјалните мрежи.
Приказната ја објави и профилот „Put do Grčke“, од каде порачаа дека во тешки моменти не е важно кој од каде е, туку кој е подготвен да помогне.
Добил и подарок од спасеното семејство
Како знак на благодарност, семејството од Бугарија му подарило маска за нуркање.
Според неговата мајка, по драмата Михаил бил почестен и од луѓето кои биле присутни на плажата.
15-годишниот битолчанец Михаил стана регионален херој откако спаси тричлено семејство од давење во Грција и доби бројни пофалби за својата храброст.
ПОВРЗАНИ ВЕСТИ
