Владата денес ќе расправа за разрешување на државниот јавен обвинител Љупчо Коцевски
18/02/2025 7:39
Предлогот за разрешување на државниот јавен обвинител Љупчо Коцевски утре ќе биде разгледан на владина седница, по што ќе биде доставен до Советот на јавни обвинители, информираат од Владата на Република Северна Македонија.
Министерството за правда, постапувајќи по заклучокот од 50-та седница на Владата, одржана на 11 февруари, подготви мислење за разрешување на државниот јавен обвинител и го достави до Владата за натамошно процесуирање.
Во соопштението од Министерството се наведува дека во изминатиот период Јавното обвинителство било предмет на низа скандали, нарушена функционалност, незаконски постапувања, корупција и неефикасност во кривичното гонење.
Владата го обвинува Коцевски за незаконски одлуки
Од Владата тврдат дека разочараноста од постапувањето на Коцевски надвор од законските надлежности довела до нарушување на довербата во правниот систем.
Како една од причините за разрешување, Владата го посочува и незаконското именување на вршител на должност на Вишото јавно обвинителство на местото на суспендираниот Мустафа Хајрлухаи.
Републичкиот обвинител Љупчо Коцевски ги негира тврдењата дека постапил незаконски.
Иако неговиот мандат трае шест години, Владата настојува тој да биде предвреме прекинат, што дополнително ја заострува тензијата околу овој случај.
Предлогот за разрешување на државниот јавен обвинител Љупчо Коцевски утре ќе биде разгледан на владина седница, по што ќе биде доставен до Советот на јавни обвинители, информираат од Владата на Република Северна Македонија.
![vilma-Ruskovska-696x487[1]](https://mkinformer.com/wp-content/uploads/2021/05/vilma-Ruskovska-696x4871-1.jpg "Зaпoчнyвa oпepaциjaтa “Cмeнa нa Русковска”, eкc oбвинитeл oд СЈО глaвeн кaндидaт зa нacлeдник")
