Венко Филипче единствен кандидат за претседател на СДСМ на изборите во март 2025
21/02/2025 16:42
Централната изборна комисија на СДСМ ја утврдила кандидатурата на Венко Филипче како единствен кандидат за претседател на партијата на редовните внатрепартиски избори, кои ќе се одржат на 16 март 2025 година.
Одлуката ќе биде објавена на официјалната веб-страница на СДСМ, заедно со програмата на кандидатот, а ќе биде доставена и до сите општински изборни комисии.
Од партијата нагласуваат дека СДСМ е единствената политичка организација во земјата каде што членството директно го избира претседателот, што го потврдува нејзиниот висок демократски капацитет.
