РУБИО ПРИСТИГНА ВО ИСТАНБУЛ, ЌЕ СЕДНЕ НА МАСА СО РУСКАТА И УКРАИНСКАТА ДЕЛЕГАЦИЈА ЗА ПРЕГОВОРИ
16/05/2025 10:41
Американскиот државен секретар Марко Рубио утрово пристигна во Истанбул за да учествува на мировните преговори меѓу Русија и Украина, организирани од Турција.
На аеродромот во Истанбул, Рубиo и неговата делегација утрово беа пречекани од генералниот конзул во Истанбул, Џули А. Еадех, и други официјални лица.
Делегацијата предводена од Рубио ќе учествува на трилатералниот состанок на Турција, САД и Украина во претседателскиот кабинет Долмабахче во Истанбул.
Планирани се голем број состаноци во различни формати, вклучувајќи трилатерални разговори меѓу САД, Украина и Турција, како и Русија, Украина и Турција, според извори од турското Министерство за надворешни работи.
На состаноците ќе присуствуваат турскиот министер за надворешни работи Хакан Фидан, американска делегација предводена од државниот секретар Марко Рубио, украинска делегација предводена од министерот за одбрана Рустем Умеров и руска делегација предводена од Владимир Медински, советник на рускиот претседател Владимир Путин.
Рубио, исто така, рече дека американската делегација ќе се сретне со високо ниво на украинска делегација и ќе учествува во преговорите меѓу Русија и Украина.
Започна првиот состанок меѓу САД, Украина и Турција, соопшти извор од турското Министерство за надворешни работи. Засега нема информации дали Рубио учествува на состанокот.
Портпаролката на американскиот Стејт департмент, Тами Брус, изјави дека Мајкл Антон, директор за планирање на политиките во американскиот Стејт департмент, ќе ги претставува САД во разговорите со руската делегација.
Американскиот државен секретар Марко Рубио утрово пристигна во Истанбул за да учествува на мировните преговори меѓу Русија и Украина, организирани од Турција.
