Магла наутро, облаци и дожд во текот на денот – викендот носи обилни врнежи и пад на температурите
20/11/2025 9:23
Наутро во одделни котлини низ државата ќе има услови за магла, а во текот на денот времето ќе биде облачно со повремени врнежи од дожд, информираат од Управата за хидрометеоролошки работи (УХМР).
Според синоптичарите, минималните температури ќе се движат од 7 до 11 степени, додека дневните максимални ќе достигнат 15 до 19 степени.
🌧️ Скопје: облаци, слаб дожд и магла утрово
Во главниот град утрово исто така ќе има услови за појава на магла. Во текот на денот времето ќе биде претежно облачно, со слаб до умерен дожд.
Температурите ќе се движат од 8 степени утринска, до 17 степени максимална температура.
🌪️ Циклонот останува до крајот на неделата
Циклонската активност која ја зафати земјата изминативе денови ќе продолжи до недела. Очекувани се:
пообилни врнежи од дожд,
над 30 литри на метар квадрат за 24 часа,
локално невреме со засилен ветер,
можност за грмежи, особено во попладневните часови.
❄️ Промена од недела: значително заладување и слаб снег во планините
Од недела температурите ќе бележат осетен пад, и во утринските и во дневните часови. На повисоките планини ќе има услови за слаб снег, најавуваат метеоролозите.
Наутро во одделни котлини низ државата ќе има услови за магла, а во текот на денот времето ќе биде облачно со повремени врнежи од дожд, информираат од Управата за хидрометеоролошки работи (УХМР).
