Без контроли на граница: УЧК дојде на покана на Ахмети – протестираа, пееја, си заминаа и му се заблагодарија на Изет Меџити
15/12/2025 12:33
Организаторите на протестот што се одржа во Скопје во поддршка на поранешните команданти на косовската УЧК соопштија дека групите од Косово без никакви задржувања и проверки ја поминале косовско-македонската граница.
Информацијата ја потврди Хисни Гуцати, еден од организаторите на протестот и поранешен претседател на Организацијата на воени ветерани на УЧК, кој јавно му се заблагодари на градоначалникот на Чаир, Изет Меџити, за, како што рече, неговата улога во непречениот влез на учесниците.
Според Гуцати, Меџити му дал уверување дека нема да има пречки за влез на ветераните кои патувале кон Скопје за да учествуваат на протестот.
„Ме информираше и градоначалникот на Чаир, Изет Меџити, кому му благодарам. Ми рече дека границата ќе биде отворена за сите граѓани кои ќе дојдат на протестот и дека состојбата ќе биде мирна – и така беше“, изјави Гуцати.
Тој додаде дека поранешните команданти и ветерани ја минале границата без детални проверки, нагласувајќи дека движењето било непречено и без тензии.
„Откако генералите на УЧК пристигнаа во Скопје, границата е целосно мирна. Нема детални контроли и граѓаните минуваат без проблеми. Сакам да им се заблагодарам на сите иницијатори што овозможија ваква организација и на албанските царински и полициски структури“, рече Гуцати.
Во своето обраќање, тој изнесе и политички обвинувања поврзани со судските процеси во Хаг против поранешните команданти на УЧК, тврдејќи дека, според него, тие процеси се резултат на влијание од Србија и Русија.
Гуцати повторно се повика и на извештајот на покојниот Дик Марти, оценувајќи дека судењата против командантите на УЧК претставуваат политички мотивиран процес.
Протестот се одржа во саботата на плоштадот „Скендербег“ во Скопје, како израз на поддршка за обвинетите поранешни команданти на УЧК пред Специјалниот суд во Хаг за настаните од војната во периодот 1998–1999 година.
Организаторите претходно изразија стравувања дека дел од учесниците може да бидат приведени на граница поради меѓународни потерници распишани од Србија, но, според нив, тоа не се случило.
Организаторите на протестот што се одржа во Скопје во поддршка на поранешните команданти на косовската УЧК соопштија дека групите од Косово без никакви задржувања и проверки ја поминале косовско-македонската граница.
Тој додаде дека поранешните команданти и ветерани ја минале границата без детални проверки, нагласувајќи дека движењето било непречено и без тензии.
Протестот се одржа во саботата на плоштадот „Скендербег“ во Скопје, како израз на поддршка за обвинетите поранешни команданти на УЧК пред Специјалниот суд во Хаг за настаните од војната во периодот 1998–1999 година.
