(Видео)Мадуро префрлен во Њујорк, Делси Родригез назначена за в.д. претседател на Венецуела
04/01/2026 11:14
Венецуелскиот претседател Николас Мадуро и неговата сопруга Силија Флорес се префрлени во Њујорк, по голема американска воена операција спроведена на територијата на Венецуела, објавуваат американските медиуми.
Според достапните информации, Мадуро е сместен во притворен центар во Бруклин, каде што го очекува судска постапка по обвиненија за трговија со дрога и оружје. Американските власти наведуваат дека обвиненијата се дел од долгогодишни истраги поврзани со организиран криминал.
Во меѓувреме, американскиот претседател Доналд Трамп изјави дека Соединетите Американски Држави ќе ја „водат Венецуела“ сè додека не се реализира, како што рече, целосен трансфер на власта и стабилизација на земјата. Тој повторно нагласи дека Вашингтон има стратешки интерес за воспоставување контрола врз огромните нафтени резерви на Венецуела и нивно ставање во функција на економско закрепнување.
Делси Родригез назначена за в.д. претседател
Паралелно со овие случувања, Врховен суд на Венецуела соопшти дека потпретседателката Делси Родригез е именувана за вршител на должноста претседател на државата, со цел обезбедување институционален континуитет.
Назначувањето доаѓа во услови на длабока политичка неизвесност и безбедносна напнатост, по најдраматичниот развој на кризата во земјата во последните децении.
Реакции меѓу граѓаните
Според извештаи на американски медиуми, меѓу венецуелските граѓани владее мешавина од емоции – радост и надеж кај дел од населението, но и сериозна вознемиреност и страв од можни последици и понатамошна нестабилност поради брзите и радикални промени на власта.
Меѓународната заедница внимателно ја следи ситуацијата, додека се очекуваат дополнителни реакции и дипломатски потези во наредните денови.
Венецуелскиот претседател Николас Мадуро и неговата сопруга Силија Флорес се префрлени во Њујорк, по голема американска воена операција спроведена на територијата на Венецуела, објавуваат американските медиуми.
