Поништена набавката за електрични автобуси и полначи, Министерството најави нов оглас
22/05/2026 16:09
Министерството за транспорт информира дека Државната комисија по жалби за јавни набавки, по службена должност, донела решение за поништување на јавната набавка за електрични автобуси и електрични полначи.
Од Министерството посочуваат дека, согласно своите надлежности, постапката повторно ќе биде објавена во согласност со законските прописи и во најбрз можен рок.
Со ова, набавката за електричните автобуси и полначите се враќа на почеток, а институциите ќе треба повторно да ја спроведат целата постапка.
Засега не се соопштуваат повеќе детали за причините поради кои е донесено решението за поништување, но од ресорното министерство уверуваат дека новата јавна набавка ќе биде објавена повторно.
Министерството за транспорт информира дека Државната комисија по жалби за јавни набавки, по службена должност, донела решение за поништување на јавната набавка за електрични автобуси и електрични полначи.
