Денеска пороен дожд и грмежи, за викендот стабилно – нови врнежи во понеделник

24/07/2026 7:28

Времето денеска ќе биде променливо облачно и посвежо, со повремени врнежи од дожд. На одделни места врнежите ќе бидат пообилни.

Локално ќе има услови за нестабилност со пороен дожд, грмежи и засилен ветер, информира Управата за хидрометеоролошки работи.

Ќе дува слаб до умерен ветер од северен правец.

Долж Повардарието ветерот повремено ќе засилува и ќе достигнува брзина поголема од 50 километри на час.

Минималните температури ќе се движат од 9 до 18 степени, додека максималните ќе достигнат од 20 до 27 степени.

Во Скопје ќе биде променливо облачно и посвежо, со повремени врнежи од дожд.

Локално врнежите ќе бидат пообилни, а во делови од котлината ќе има услови за пороен дожд, грмежи и засилен ветер.

Минималната температура ќе се спушти до 15 степени, а максималната ќе достигне до 26 степени.

За време на викендот се очекува стабилизирање на временските услови.

Ќе преовладува постабилно време, без поголеми врнежи и изразени нестабилни процеси.

Нов бран врнежи од дожд се очекува во понеделник.

Од вторник повторно ќе следува период на постабилно време, проследен со постепено зголемување на дневните температури.