Утре е Задушница, ќе има сообраќајна гужва: Изменет сообраќаен режим кон Бутел и другите гробишта
06/11/2026 11:59
Изменет сообраќаен режим во Скопје ќе важи утре поради Задушница, кога традиционално се очекува зголемена фреквенција на возила и посетители кон градските гробишта.
Најголем метеж се очекува кон гробиштата Бутел, каде од 6 часот наутро ќе биде воведен еднонасочен, односно кружен режим на движење.
Посебен режим кон Бутел
Возилата кон гробиштата ќе се движат по улицата „Бутелска“, потоа лево по „Александар Урдаревски“, повторно лево по „Боца Иванова“ и десно кон влезот на гробиштата.
За излез, возачите ќе се движат десно по „Боца Иванова“ до кружниот тек со „Бутелска“, а потоа по „Бутелска“ и десно по „Кемал Сејфула“.
Измени и кај други гробишта
Посебен режим ќе има и во околината на гробиштата Камник, Драчево и Ѓорче Петров, каде исто така се очекува зголемен број возила.
Поради тоа, возачите треба да сметаат на можни застои и подолго време на патување во овие делови од градот.
Апел од МВР
Од Министерството за внатрешни работи апелираат граѓаните да ги почитуваат насоките на полициските службеници и поставената сообраќајна сигнализација.
Поради очекуваната гужва за Задушница, граѓаните кои планираат да ги посетат гробиштата се советуваат навреме да го организираат своето движење и да го имаат предвид изменетиот сообраќаен режим во Скопје.
Изменет сообраќаен режим во Скопје ќе важи утре поради Задушница, кога традиционално се очекува зголемена фреквенција на возила и посетители кон градските гробишта.
