Ја задоволува ли минималната плата-потрошувачката кошничка?!
13/03/2023 14:11
Граѓаните ќе добијат за 2.175 денари повисока минимална плата веќе со мартовската исплата на плати, напишан на својот Фејсбук профил, вицепремиерот Фатмир Битиќи, додека се уште течеше седницата на Економско-социјалниот совет.
-Минималната плата ќе изнесува 20.175 денари. Во моментов тече Економско социјален совет каде преку дијалог со синдикатите и работодавачите лани се договоривме за системско решение и нова Методологија за постојан раст на минимална плата. Тоа е резултат на грижата на Владата за сите категории граѓани. Да обезбедиме континуирано одржлив животен стандард и поддршка на куповната моќ на нашите граѓани. Ова е единствениот исправен пат и начин за обезбедување социјална правда и правичност – дури и во време на глобална економска криза на која и претходеше здравствената криза предизвикана од пандемијата – напиша Битиќи.
По 2017 година грижата за вреднување на трудот на работниците стана приоритет за Владата и затоа се пронајде решение за системско покачување на платите со кое само за шест години минималната плата се удвои и сега изнесува 20.175 денари, додаде Битиќи.
Исто така, согласно пресметките за нова минимална плата, се очекува од мартовските исплати, да пораснат и платите на јавната администрација, како и пензиите на пензионерите.
