ЕУ очекува уставните измени во Македонија да се реализираат наскоро
24/09/2025 18:28
Комесарката за проширување на Европската Унија, Марта Кос, во интервју за Радио Слободна Европа изјави дека Македонија останува обврзана кон процесот за промена на Уставот и дека очекува тоа да се случи во најкус можен рок.
„Северна Македонија е посветена на промена на Уставот. Наскоро очекуваме локални избори и поради тоа, веројатно нема да бидат порано, но очекуваме ова да се случи што е можно поскоро,“ рече Кос.
Во разговорот беше отворено и прашањето за ставот на Владата во Скопје дека нема да прифати уставни амандмани без гаранции од Бугарија. Кос нагласи дека билатералните прашања не треба да го попречуваат процесот на евроинтеграции, иако тоа се случува повторно и повторно.
„Ова значи огромно вклучување од нас, од Европската комисија, но и од земјите-членки. И има многу други земји, не само Европската комисија, кои сега разговараат со Бугарија, а не со Македонија,“ изјави таа.
Комесарката за проширување на Европската Унија, Марта Кос, во интервју за Радио Слободна Европа изјави дека Македонија останува обврзана кон процесот за промена на Уставот и дека очекува тоа да се случи во најкус можен рок.
