Виткоф: На денешните разговори во Берлин постигнавме значителен напредок за крај на војната
15/12/2025 0:29
Специјалниот пратеник на САД, Стив Виткоф, соопшти дека на денешните разговори во Берлин меѓу високи американски и украински претставници е постигнат значаен напредок во напорите за ставање крај на војната во Украина.
Виткоф преку објава на платформата X информираше дека разговорите биле детални и конструктивни, додавајќи дека двете делегации ќе продолжат со средбите и утре наутро.
Претходно, советникот на украинскиот претседател, Дмитро Литвин, изјави дека првата рунда разговори траела повеќе од пет часа и дека фокусот бил ставен на разгледување на нацрт-документи за можен крај на конфликтот. Според него, разговорите ќе продолжат во понеделник, кога се очекува и официјален став од украинскиот претседател Володимир Зеленски.
Денеска во Берлин се одржа и средба меѓу Зеленски и германскиот канцелар Фридрих Мерц, на која присуствуваа Стив Виткоф и Џаред Кушнер, зет на американскиот претседател Доналд Трамп. Главната тема на состанокот беше можноста за политички договор за прекин на војната.
Украинската делегација беше составена од високи безбедносни и дипломатски функционери, меѓу кои секретарот на Советот за национална безбедност и одбрана Рустем Умеров, првиот заменик-министер за надворешни работи Сергеј Кислица, советници од претседателскиот кабинет и началникот на Генералштабот Андриј Хнатов. Американската страна, пак, ја претставуваше и врховниот командант на силите на НАТО во Европа, Алексис Гринкевич.
Зеленски претходно оцени дека берлинскиот самит е клучна можност за усогласување со американските и европските партнери околу рамковен мировен план од 20 точки, кој предвидува прекин на огнот и безбедносни гаранции за Украина.
Во објава на „Телеграм“, украинскиот претседател истакна дека сите сегменти од предложените документи се внимателно разработени, со цел договорените чекори да обезбедат реална и долгорочна безбедност. Според француски медиуми, Зеленски настојува САД да поддржат замрзнување на фронтовската линија во нејзината сегашна позиција, како предуслов за понатамошни преговори со Москва.
Специјалниот пратеник на САД, Стив Виткоф, соопшти дека на денешните разговори во Берлин меѓу високи американски и украински претставници е постигнат значаен напредок во напорите за ставање крај на војната во Украина.
