Обвинителството отвори истрага за трагедијата во Карпош

Дежурен јавен обвинител од Основно јавно обвинителство Скопје извршил увид на локација во скопската општина Карпош, каде попладнево животот го загубија жена и малолетно дете по пад од висококатница.

Од Обвинителството соопштија дека е наредена обдукција на телата, како и обезбедување и анализа на сите релевантни траги и материјални докази, со цел да се утврдат причините и околностите под кои се случил настанот.

Разговори со сведоци и дополнителни информации

Во тек се разговори со повеќе лица кои би можеле да имаат сознанија поврзани со случајот. Од ОЈО најавуваат дека повеќе детали ќе бидат соопштени во текот на утрешниот ден.

Според првичните информации, настанот бил пријавен во полиција околу 14:15 часот и се случил во станбен комплекс во близина на поранешна „Алумина“ во Карпош.

Истрагата е во тек и треба да ги утврди сите факти поврзани со трагедијата што ја вознемири јавноста.

Семејството тврди: „Ова не беше несреќа, туку убиство“