Лекарот што констатирал природна смрт кај 35-годишната жртва од Куманово повикан на распит
09/03/2026 18:33
Обвинителството го повика на распит лекарот кој првично констатирал природна смрт кај 35-годишната Марија Маринковска, една од жртвите поврзани со случајот на осомничениот сериски убиец од Куманово.
Според информации објавени од Телма, станува збор за лекар кој во моментот на пронаоѓањето на телото бил ангажиран како замена за друг доктор.
Случајот отвора сериозни прашања за постапувањето на службите на терен. Иако лекарскиот тим потпишал дека на телото нема траги на насилство и дека се работи за природна смрт, сведоци за Телма тврдат дека една од докторките во тимот изразила сомнеж дека станува збор за насилна смрт.
Дополнително, според сведоштвата, полицијата наводно извршила притисок врз родителите и роднините на починатата да потпишат изјава дека нема да бараат обдукција.
Сепак, по барање на Обвинителството подоцна била извршена ексхумација на телото. Обдукционите наоди покажале дека Маринковска не починала од природна смрт, туку дека станува збор за убиство.
Истрагата за случајот продолжува, а надлежните институции треба да утврдат дали имало пропусти во првичната постапка на терен и дали некој ќе сноси одговорност.
![policija-mvr[1]](https://mkinformer.com/wp-content/uploads/2021/05/policija-mvr1.png "Во Дебар се предлага организирање на вoopyжени гpaѓански стpaжи")