Ленче Ристоска поднесе оставка од обвинителската функција
02/04/2026 11:16
Обвинителката Ленче Ристоска поднесе оставка од обвинителската функција. Таа наведе дека одлуката ја донела затоа што повеќе не гледа простор за работа во согласност со принципите во кои верува.
Според Ристоска, оставка доаѓа поради состојбите во обвинителството. Како и одлуките што, како што наведува, директно влијаат врз нејзиниот интегритет, самостојност и професионално делување.
Таа порача дека обвинителската функција отсекогаш ја доживувала како позив. Посочи дека низ кариерата работела на предмети што директно ги засегаат општествените вредности и владеењето на правото.
Ристоска нагласи дека работата на високопрофилни случаи носи и силни притисоци. Во својата изјава таа зборува за опструкции, влијание врз сведоци, притисоци, законски измени и предмети што завршувале во фиока или застарувале.
Во обраќањето потсети и на нејзината кандидатура за државен јавен обвинител. Со таа кандидатура Ристоска сакала да придонесе за обвинителство што ќе работи во јавен интерес и без политички влијанија.
Како клучен момент, Ристоска ги посочи последните одлуки на Советот на јавни обвинители и на државниот јавен обвинител. Таа наведе дека нејзината претставка за напад врз интегритетот и самостојноста била отфрлена. Дополнително ѝ биле повлечени и овластувањата за застапување во важни предмети во завршна фаза.
Според неа, токму тие потези носат ризик за исходот на предмети поврзани со висока корупција и криминал. Ленче Ристоска поднесе оставка затоа што не гледа можност да продолжи да работи во систем што не ги штити професионалците и јавниот интерес.
На крајот од својата порака, таа им се заблагодари на сите што ја поддржале во нејзината работа и борба.
Обвинителката Ленче Ристоска поднесе оставка од обвинителската функција. Таа наведе дека одлуката ја донела затоа што повеќе не гледа простор за работа во согласност со принципите во кои верува.
