Денес сончево и до 35 степени, за викендот дожд, грмежи и пад на температурите
11/09/2026 8:49
Денес сончево и до 35 степени ќе биде во поголем дел од Македонија, со мала до умерена облачност и слаб до умерен ветер од јужен правец.
Минималната температура ќе се движи од 12 до 18 степени, а максималната ќе достигне од 30 до 35 степени.
Во Скопје до 34 степени
Во Скопје ќе биде сончево и топло, со мала до умерена облачност.
Во делови од котлината ќе има услови за развој на нестабилна облачност.
Локално се можни краткотраен пороен дожд и ретки грмежи.
Минималната температура ќе се спушти до 18 степени, а максималната ќе достигне 34 степени.
За викендот следува промена
Под влијание на циклонска активност, за време на викендот ќе преовладува променливо облачно време.
Се очекуваат повремени врнежи од дожд.
Локално врнежите ќе бидат поројни и пообилни, со над 15 литри на квадратен метар.
Можно е да бидат проследени со грмежи и засилен северен ветер со брзина над 40 километри на час.
Од сабота температурите паѓаат
Од сабота дневната температура ќе биде во опаѓање.
По викендот, до средината на следната седмица, се очекува релативно стабилно и посвежо време.
Денес сончево и до 35 степени, но за викендот следуваат дожд, грмежи и пад на температурите.
ПОВРЗАНИ ВЕСТИ
