Градоначалникот на Карпош. Стевче Јакимовски вели дека за време на генералката која викендов се спроведува на ниво на цела држава, Карпош дал пример.
„ГЕНЕРАЛКА ВИКЕНД“ ВО КАРПОШ – ЧИСТО, ЗЕЛЕНО, НАШЕ!
Денеска Карпош повторно даде пример! Заедно со вработените во општината, Црвен крст, Ротари Арт, Сојузот на борци и многу волонтери излеговме на терен и собравме над 147 вреќи отпад – хартија, пластика, лименки.
Оваа акција не е само собирање ѓубре, туку битка за нашата животна средина!
Сепак, морам да кажам ДОСТА Е!
ЈП Комунална Хигиена и ЈП Паркови и Зеленило со години се однесуваат како Карпош да е заложник на нивната неработа!
Граѓаните плаќаат редовно – над 85% наплата секој месец, а контејнерите се прелеваат, улиците се нечисти, зеленилото запуштено!
Додека ние се бориме и чистиме, нив ги нема ни за лек!Дали има смисла вака да продолжиме?
Сметам дека е време овие јавни претпријатија да се поделат на сите скопски општини, со што секоја ќе може да се грижи за својата хигиена – професионално, одговорно и транспарентно!
Продолжуваме напред со нашите еко активности, затоа што Карпош заслужува да блеска! Зелено, чисто, наше!“, напиша Стевче Јакимовски на социјалните мрежи.
