АМСМ: Сообраќајот се одвива непречено, внимателно по влажни коловози и можни одрони
19/01/2026 10:16
Сообраќајот на државните патишта утрово се одвива непречено, по наместа влажни коловози, информира Автомото сојуз на Македонија (АМСМ).
Интензитетот на сообраќајот на патните правци надвор од градските средини е умерен, а на граничните премини од македонска страна нема подолги задржувања за влез и излез од државата.
Од АМСМ апелираат возачите да ја прилагодат брзината на движење според условите на патот, да ја почитуваат сообраќајната сигнализација и да управуваат внимателно, особено на делниците што минуваат низ котлини, речни долини и клисури, каде постои зголемен ризик од одрони.
Како критични се посочуваат патните правци:
Катланово – Велес
Маврово – Дебар – Струга
Виница – Берово
Кочани – Делчево
Истовремено, потсетуваат дека сè уште е во сила законската обврска за задолжително поседување зимска опрема во возилата, без оглед на моменталната временска состојба.
Надлежните служби ја следат состојбата на патиштата и апелираат на зголемена внимателност со цел безбедно одвивање на сообраќајот.
