Во пресрет на утрешниот протест паланчани повторно тероризрани од стадото на „мисиците“
25/02/2026 20:54
Крива Паланка повторно се соочува со проблемот со неконтролираното движење на кравите низ градот и околните ридови, а во пресрет на утрешниот протест на револтирани и оштетени граѓани, денеска паланчани повторно беа вознемирени од присуството на добитокот во урбаните и периферните делови.
По вчерашната тензична акција на институциите, во која учествуваа инспектори од Агенцијата за храна и ветеринарство (АХВ) и припадници на МВР, состојбата на терен и натаму останува нерешена. Според медиумските извештаи, од околу 500 грла добиток биле заловени само десетина, додека најголемиот дел и понатаму се движи надвор од контрола.
Денешните сцени, како што сведочат граѓани, повторно предизвикале страв и незадоволство, особено кај сопствениците на земјоделски површини и приватни имоти кои тврдат дека трпат штети.
За утре е најавен мирен протест на револтирани и оштетени граѓани од Крива Паланка и регионот, насочен против, како што наведуваат организаторите, „дивеењето“ на кравите и долгогодишната неефикасност во решавањето на проблемот. Поддршка за протестот, според информациите, има од претставници на 16 месни заедници.
Општина Крива Паланка претходно упати повик за достоинствено и одговорно учество, нагласувајќи дека поддржува целосно спроведување на законската рамка и очекува надлежните институции да преземат конкретни мерки.
Проблемот со слободното движење на добитокот со месеци предизвикува реакции во јавноста, а утрешниот протест се очекува да биде јасен сигнал за барање трајно решение.
Крива Паланка повторно се соочува со проблемот со неконтролираното движење на кравите низ градот и околните ридови, а во пресрет на утрешниот протест на револтирани и оштетени граѓани, денеска паланчани повторно беа вознемирени од присуството на добитокот во урбаните и периферните делови.
Денешните сцени, како што сведочат граѓани, повторно предизвикале страв и незадоволство, особено кај сопствениците на земјоделски површини и приватни имоти кои тврдат дека трпат штети.
