Трендафилов ги повика работниците на протест: Утре во Скопје за минимална плата од 600 евра
13/03/2026 12:55
Претседателот на ССМ, Слободан Трендафилов, денеска ги повика работниците утре масовно да дојдат во Скопје и да побараат повисоки плати.
Тој на прес-конференција порача дека барањето останува исто. ССМ инсистира на минимална плата од 600 евра и зголемување на сите останати плати за 6.000 денари.
Трендафилов рече дека работниците повеќе не смеат да молчат. Според него, време е јасно да го кренат гласот за подобар животен стандард.
„Живееме како сиромашни работници со богати газди и со уште побогати во Владата. Ве повикуваме да ги поддржите вашите семејства, вашите деца и внуци, да излезете на улица и да им покажете дека сакате вашата плата да се зголеми“, порача Трендафилов.
Првиот човек на ССМ нагласи дека синдикатот нема да се откаже од барањата за повисоки плати и подобри услови за работа.
Тој порача дека оваа борба е во интерес на сите работници и нивните семејства. Затоа, според него, потребна е силна и масовна поддршка на протестот.
ССМ веќе подолг период бара зголемување на минималната плата и усогласување на останатите примања, со образложение дека трошоците за живот постојано растат.
Претседателот на ССМ, Слободан Трендафилов, денеска ги повика работниците утре масовно да дојдат во Скопје и да побараат повисоки плати.
