Деветта жртва од Западнонилска треска во Македонија, почина 66-годишен пациент

21/09/2026 14:44

Деветта жртва од Западнонилска треска е регистрирана во Македонија, откако почина 66-годишен пациент.

Информацијата ја потврди директорот на Клиниката за инфективни болести, Фадил Цана.

Кај пациентот била потврдена невроинвазивна форма на болеста.

Тој бил хоспитализиран 28 дена.

Поради тешката здравствена состојба бил на механичка вентилација.

Пациентот имал и повеќе придружни заболувања.

Досега на Клиниката за инфективни болести биле хоспитализирани вкупно 66 пациенти со Западнонилска треска.

Во моментов на лекување се 11 пациенти.

Еден од нив е со потешка клиничка слика.

Со последниот смртен случај, бројот на починати од Западнонилска треска во земјава се искачи на девет.

Деветта жртва од Западнонилска треска е 66-годишниот пациент кој 28 дена се лекувал на Инфективната клиника.