И се гледа крајот на пaндeмијата: Германски лекар со оптимистичка прогноза
02/09/2021 15:55
Претседателот на Здружението на германски лекари, Андреас Гасен, вели дека на пролет ќе дојде крајот на пандемијата на коронавирусот.
“Тргнувам од тоа дека пролетта 2022-ра година ќе биде крајот на пандемијата”, рекол тој за германскиот дневник “Rheinische post” и додал дека смета дека од тогаш повторно ќе се нормализира животот.
Тоа мислење, вели Гасен, го застапуваат и познати научници.
Тој објаснува дека неговата прогноза се потпира на фактот дека стапката на вакцинација ќе расте и бројот на излечени луѓе со антитела ќе биде повисок.
“Кој не е вакциниран, во наредните месеци ќе се зарази со коронавирус”, рекол Гасен.
